که‌سانێکی زۆر هه‌ن گله‌یی له‌بیرچوونه‌وه‌و ونبوونی که‌لوپه‌له‌کانیان ده‌که‌ن، رۆژبه‌رۆژیش توانای مێشکیان بۆ فێربوون که‌م ده‌کاته‌وه، به‌ڵام پسپۆڕان هه‌شت ڕێگا بۆ به‌هێزی مێشک‌و رزگاربوون له‌بیرکۆڵی پێشنیاز ده‌که‌ن.
سه‌نته‌ری گه‌شه‌پێدانی تواناکانی مێشک له‌نیویۆرک رایگه‌یاند که زۆرجار کلیلی ئۆتۆمبێله‌کانمان بزر ده‌بێ، ده‌چیته شوێنێک بیرت چۆته‌وه بۆچی چوویت یان لانیکه‌م نازانی مۆبایله‌که‌ت له‌کوێ داناوه، ئه‌م دیاردانه یه‌خه‌ی زۆر که‌سی گرتووه، به‌ڵام مژده‌ی رزگاربوونیش هه‌یه!
له‌ئامۆژگارییه‌کدا ئه‌م سه‌نته‌ره هه‌شت ڕێگای پێشنیاز کردووه تا توانای مێشکت زیاتر بکه‌یت که بریتین له:
1. میوه‌ی مۆز بخۆ.
2. چای گیایی نۆش بکه.
3. خۆراکی فاست فود مه‌خۆ.
4. شیرینی که‌م بکه‌ره‌وه.
5. ئاستی میهره‌بانیت به‌رز بکه‌ره‌وه.
6. پیاسه بکه.
7. له‌کاتی خۆیدا بخه‌وه‌و به‌یانیان زوو هه‌سته.
8. زیاتر بایه‌خ به‌خۆتان بده‌ن.